يعني إيه تشطب شقة

يعني إيه تشطب شقة
1- يعني تزود معلوماتك هتعرف يعني إيه ردش و ضهارة و ادة و كرنك و شرب (بكسر الشين) هتعرف إن فيه معجون غير معجون الأسنان والحلاقة
2- يعني تزود معارفك وتلاقي ال contacts بتعتك بقى فيها abdelfta7 electricity و naser nakaash و mana3 gebs و gamaal wensh
3- هتزود تجاربك في الحياة وتعرف إنك لازم متسمعش كل اقتراحات العمال علشان ماتلبسيش في الحيط , ولازم ماتفتكسش كتير عشان ماتلبسش في الحيط
بص هو إنت كده كده هتلبس في الحيط :D
4- اكتشافات جديدة زي مثلا إن وزر سيراميك المطبخ أغلى من سيراميك المطبخ نفسه

فى هذه الليله

مامتها كانت معاهم فى مشووار .. بعتتله رساله ممكن نوصل ماما ونقعد مع بعد شوية 
رد هو ماهو ده الى هيحصل اصلا

لما قررنا نحكى حكايتنا

ايوه قررنا نبقى احنا الاتنين الى نتكلم مش انا بس ولا هو بس حكايات فيها ذكرياتنا مواقفنا

حكايات فيها الى يفرحنا والى يزعلنا سوا

حكايات تبقى مكتوبة بمشاعرنا وقتها

http://7ekaytna.blogspot.com/

شباك صغنون مفتوح على اوضة ضلمة

شباك مفتوح على وجع وهموم وفراق

شباك بيطل على غدر وخيانة وكره

شباك بيبص على القلوب الى مليانه سواد

شباك موجوع من الالم والوحدة والضلمة

شباك بيدور على نقطة نور ودفا ولمة

شباك غرقان ما بين الوهم والحلم الى ضاع

شياك تايه بين الى مفروض والى مايصحش

شباك اتفتح على اوضه ضلمة وخلاص

هو انا مبسوطة

سؤال كنت محتاجة اسئلوا لنفسى من فترة هو ليه موضوع انى مشتغلتش ده واجعنى اوى كده حاطة ادامى وعامل زى ما تكون الطوبة الى بحدف نفسى بيها كل شوية هو انا لو كنت اتحطيت فى اختيار ما بين ناجح علاقتى العاطفية وما بين انى اشتغل

ما بييين حاجة نفسى تتحققلى من زمان وحاجة جات فى طريقى بالصدفة .

ليه دايما عندى هسس فى دماغى انى لازم اختاار وانى ماينفعش ابقى بشتغل زى ما نفسى ان ده يتحقق وما بين انى لازم اضحى بحاجة تانية وياترى مش لو كنت اشتغلت كان زمان دلوقتى وقتى مشغوول وعندى ناس حوليا يمكن كمااان احقق لنفسى الحاجة الى ضايعة منى وحاسة انها مش هتيجى غير لما اشتغل

اكتر حاجة واجعانى بقى انى مكنتش حاسة انى هختار علاقتى العاطفية ولا حاجة ويمكن ده بيناقد جزء جوايا يمكن علشان ده الحلم الى نفسى احققه من زمااان .....

ملحوظة كده لنفسى ربنا مبختارش حاجة وحشة بس انتى لسه مش شايفة الحاجات الى تخليكى تقتنعى ان الطريق ده احسن من الطريق التانى

عن الحاجات الى بتوجعنا

حاجات كده منعرفش نقول عليها ولا حتى نتكلم فيها يمكن لاننا منقدرش نقولها يمكن اننا لما بنقولها بتوجعنا أكتر

حاجات ليهاعلاقة باختيارتناااا الى لازم نتحمل نتايجها مهما كانت .

حاجات ليها علاقة بالناس الى حولينااا وبيوجعونااا وللاسف بيبقى صعب نرد الوجع ده او حتى نواجه مش علشان هما الى تعمدوا يجرحونااا ولا احنا الى مكناش متوقعين الجرح من الناس دى .

حاجات بنوجع بيها ناس تانية علشان ندارى على الوجع الى جوانا