شباك صغنون مفتوح على اوضة ضلمة

شباك مفتوح على وجع وهموم وفراق

شباك بيطل على غدر وخيانة وكره

شباك بيبص على القلوب الى مليانه سواد

شباك موجوع من الالم والوحدة والضلمة

شباك بيدور على نقطة نور ودفا ولمة

شباك غرقان ما بين الوهم والحلم الى ضاع

شياك تايه بين الى مفروض والى مايصحش

شباك اتفتح على اوضه ضلمة وخلاص

هو انا مبسوطة

سؤال كنت محتاجة اسئلوا لنفسى من فترة هو ليه موضوع انى مشتغلتش ده واجعنى اوى كده حاطة ادامى وعامل زى ما تكون الطوبة الى بحدف نفسى بيها كل شوية هو انا لو كنت اتحطيت فى اختيار ما بين ناجح علاقتى العاطفية وما بين انى اشتغل

ما بييين حاجة نفسى تتحققلى من زمان وحاجة جات فى طريقى بالصدفة .

ليه دايما عندى هسس فى دماغى انى لازم اختاار وانى ماينفعش ابقى بشتغل زى ما نفسى ان ده يتحقق وما بين انى لازم اضحى بحاجة تانية وياترى مش لو كنت اشتغلت كان زمان دلوقتى وقتى مشغوول وعندى ناس حوليا يمكن كمااان احقق لنفسى الحاجة الى ضايعة منى وحاسة انها مش هتيجى غير لما اشتغل

اكتر حاجة واجعانى بقى انى مكنتش حاسة انى هختار علاقتى العاطفية ولا حاجة ويمكن ده بيناقد جزء جوايا يمكن علشان ده الحلم الى نفسى احققه من زمااان .....

ملحوظة كده لنفسى ربنا مبختارش حاجة وحشة بس انتى لسه مش شايفة الحاجات الى تخليكى تقتنعى ان الطريق ده احسن من الطريق التانى

عن الحاجات الى بتوجعنا

حاجات كده منعرفش نقول عليها ولا حتى نتكلم فيها يمكن لاننا منقدرش نقولها يمكن اننا لما بنقولها بتوجعنا أكتر

حاجات ليهاعلاقة باختيارتناااا الى لازم نتحمل نتايجها مهما كانت .

حاجات ليها علاقة بالناس الى حولينااا وبيوجعونااا وللاسف بيبقى صعب نرد الوجع ده او حتى نواجه مش علشان هما الى تعمدوا يجرحونااا ولا احنا الى مكناش متوقعين الجرح من الناس دى .

حاجات بنوجع بيها ناس تانية علشان ندارى على الوجع الى جوانا

تسمحلى اسالك

تسمحلى اسالك ازاى بتقدر تجرحنى كده بكل سهوله ...

ازاى تفكيرك ولسانك بيسمحولك تقول الكلام الى بيوجع اوى ده

ازاى عندك مقدره انك تنسف كل توقعاتى ناحيتك وتظهرلى انك كل مرة انك حد لاول مرة بعرفه

ازاى قادر تحطنى فى موقف انى ارد على كلامك الى بيوجع ده بكلام هيوجعنى انا وانا بقوله

ازاى تخلنى اشك فى حنانك ....ازاى بيهون عليك دمعى

عيد ميلاده وهو مسافر

عيد ميلاده وهو مش موجود كان مختلف شوية قولتله كل سنه وانت طييب نزلت اشتريت الهدية الى بقالى كتيير بحضر فيهاا

واشتريت معاها كارت وكتبتله وحشتنى اوى

كل مرة

كل مرة بجى اوصلك فيها وانت مسافر وانا نازله على السلم بقوول لنفسى بطلى شغل العيال واكبرى بقى دى مش اوى مرة وانتى خلاص اتعودتى على كده .

كل مرة هبطل اعيط وانا مروحة علشان مش هشوفك لمدة كبيرة.

كل مرة بقول لنفسى انا هرووح انام بقى وابطل تفكير انت هترجع امتى واستنى مكالمتك لما توصل وانى هصحى من النوم على رنة الموبايل.

كل مرة ببقى عايزة أبطل افتح كل الورق الى فيه خطك علشان احس انك لسه معايا .

ولما اروح الاقى نفسى بعيط وانا ماشية واروح البيت اشوف كل الورق الى فيه خطك علشان اقرااه مع انى حافظة كل كلمة فيه ولما اجى اناام ميجليش نووم واقول لنفسى ان كل مرة بتبقى اصعب

عايزة اكتب

عايزة اكتب عن نظرة عينك لما تبصلى وتقولى انتى النهاردة زى القمر بحاله.

عايزة اكتب عن احساس القسوة عليا كانك جرااح عاوز تكشفلى كل مناطق الالم والندبات الى عندى علشان اقدر اعالجها ولما تحس ان كشفك ده ابتدى يودينى لمرحلة انهياار تتحول فى ثانية لشخص تانى شخص احن عاليا من نفسى لان صعبت عليك من كتر احساس الالم .

عايزاه اكتب عن بعدك غضبن عنى وعنك عن اقناعى لنفسى كل يوم الصبح انى قادرة اعيش قادرة ان اليوم عادى ما انا بكلمك

كان وجودك الجسدى فى المكااان هو الى بيدنى الاحساس الى انا مفتقداه .

عايزاه اكتب عن احساس اليتم والضعف الى بحسه لما بتووه من غيرك واجرى عليك زى الطفل الى بيدوور على مامته الى ماسك فيها وفجاه مبقتش موجوده .

عايزة اكتب ان وجودك جانبى معنااه امعنوى انك حاجز صد عن اى حاجة تضايقنى عن اى حاجة تخوفنى

عايزة اكتب انه باين عاليا اوى انى محتاجلك .