النهاردة صحيت على احساس مش عارفة اوصفه اذا كان سعادة
ولا امل فى حاجة نفسى تحصل
ولا احساس غريب
انا هقولك على الاحساس ده بقى وخلاص انا حسيت انى هفتح عينى الاقى دبلتك فى ايدى
لا مش هلاقى الخاتم بتاعى الفضة الى بحبه
لا انا هلاقى الدبلة الى نفسى فيها تعرف ان شكلها حلو اوى على ايدى
مش عارفة ليه تخيلت انه بجد اصل كل حاجة بتحصلى من يوم ما عرفت انك اخترتنى مش مصدقاها
مكنتش مصدقة انك اخترتنى
انا كنت عاوزه اشوف تعبير كل الناس الى نعرفها
كانوا مستغربين اوى اصل احنا مش شبه بعض فى حاجة
عارف كنت دايما عندى فضول هى البنت الى هتحبها دى عاملة ازاى هتبقى هادية زيك كده
واحده بتحسب كل خطوة بتعملها
علشان كده مكنتش متوقعة انه يبقى انا
زى ما بتقولى الشقية الى بتملى الدنيا حوليها دوشة وقلبان
......
علشان كده مكنتش مستغربة انى هفتح عينى الاقى دبلتك
عارف كمان كنت متخيلة ان الدبلة دى مش عليها اسمى ولا اسمك ولا حتى تاريخ الخطوبة
ده تاريخ اول يوم كلمتنى فيه ولا اقولك هنخليه اليوم الى انا كلمتك فيه
وتخيلت اننا كل ما واحد فينا هيبص للتاريخ ده هيبص ويبتسم اصله كان من ضمن الحاجات الغريبة الى حصلت من يوم ما اخترنا بعض
اصله نفس اليوم الى اتاكد فيه انك برضه الشخص الى بدور عليه
......
ولما فتحت عنيا يمكن مكنش لاقيت دبلتك
بس الغريب بقى انى لما بصيت لايدى لاقيت مكانها زى ما تكون كانت موجوده
والغريب اكتر انى كنت مبسوطة من الاحساس ده
احساس انى لما ابلس دبلتك ان شاء الله هكون مبسوطة اوى
مكان دبلتك فى إيدى فعلا موجود .. ممكن متصدقيش لما اقولك انى لسه حاسس بيها امبارح بس .. بجد !!
ردحذفو بعدين مسألت اننا نكتب عليها تاريخ يوم ما كلمتك فيه .. لا .. قصدى اليوم اللى انت كلمتينى فيه فكرة منطقية جدا .. كانت أول مرة اقولك بحبك .. بل دى اول مرة احب اصلا .. اصلا اصلا ... اول مرة احس انى اصلا عندى قلب .. لا و كمان بيحب بنت عمرى ما شفت فى حنيتها و لا رقتها و لا سحرها .. بجد بهرتنى من اول لحظة شوفتها بتتكلم .. عارفة كدة زى الافلام لما البطلة تظهر فى اول مشهد و الكاميرا تركز عليها كدة بالتصوير البطئ ... جميلة و رقيقة و .. بنت بجد زى ما الكتاب بيقول، صفحة الجميلات ... ده انت بجد
بحبك، و عاوز اكون معاكى طول عمرى اللى جاى و اللى فات كمان
أحاسيسك جميلة (:
ردحذفو أن شاء الله تلبسى الدبلة اللى بتتمنيها
و ربنا يفرح قلبك
(: