سؤال كنت محتاجة اسئلوا لنفسى من فترة هو ليه موضوع انى مشتغلتش ده واجعنى اوى كده حاطة ادامى وعامل زى ما تكون الطوبة الى بحدف نفسى بيها كل شوية هو انا لو كنت اتحطيت فى اختيار ما بين ناجح علاقتى العاطفية وما بين انى اشتغل
ما بييين حاجة نفسى تتحققلى من زمان وحاجة جات فى طريقى بالصدفة .
ليه دايما عندى هسس فى دماغى انى لازم اختاار وانى ماينفعش ابقى بشتغل زى ما نفسى ان ده يتحقق وما بين انى لازم اضحى بحاجة تانية وياترى مش لو كنت اشتغلت كان زمان دلوقتى وقتى مشغوول وعندى ناس حوليا يمكن كمااان احقق لنفسى الحاجة الى ضايعة منى وحاسة انها مش هتيجى غير لما اشتغل
اكتر حاجة واجعانى بقى انى مكنتش حاسة انى هختار علاقتى العاطفية ولا حاجة ويمكن ده بيناقد جزء جوايا يمكن علشان ده الحلم الى نفسى احققه من زمااان .....
ملحوظة كده لنفسى ربنا مبختارش حاجة وحشة بس انتى لسه مش شايفة الحاجات الى تخليكى تقتنعى ان الطريق ده احسن من الطريق التانى
حلو اوى ماوضوع الـ"هسس" ده ...
ردحذفالمهم .. انتى زى ما كنتى كاتبة قبل كدة، كنتى بتشتغلى .. يا ترى كنتى عملا ازاى ساعتها؟ يعنى، مبسوطة ولا لا؟
انا معاكى ان كل انسان لازم يختار الطريق اللى يمشى فيه .. عشان الواحد فى الاخر بيتحاسب بناء على اختياراته دى .. نفسك تشتغلى؟ مشاى .. تدورى على شغل بكل الطرق، طب وفى الاخر لو بردوا مافيشن نعمل ايه؟
ساعتها هنبقا زى اى طالب ذاكر و عمل اللى عليه لحد الاخر و لم يوفق فى الامتحان .. انا شخصيا محصلش معايا الموضوع ده، بس المبدأ موجود .. يقول تعالى: "وأن ليس للإنسان إلا ما سعى * و أن سعيه سوف يرى" صدق الله العظيم ...
فظاهر الاية الكريمة ان الانسان مجازى بسعيه فقط .. فمن اجتهد و اصاب فله اجر ما اصاب فى الدنيا و الاخرة، و ان لم يصب لم يحرم من الجزاء فى الاخرة
كدة كدة الدنيا بتتغير و بتتبدل .. المهم احنا بنختار نتعامل معاها ازاى !